Aaj Ki Kaali Ghataa, Mast-Matavaali Ghata 
Mujhase Kahati Hai Ki Pyaasa Hai Koi 
Kaun Pyaasa Hai, Mujhe Kya Maaloom 
Aaj Ki Kaali Ghata ... 

Pyaas Ke Naam Se Ji Darata Hai 
Is Ilzaam Se Ji Darata Hai 
Shauk-E-Badanaam Se Ji Darata Hai 
Meethi Nazaron Mein Samaaya Hai Koi 
Kyon Samaaya Hai, Mujhe Kya Maaloom 
Aaj Ki Kaali Ghata ... 

Pyaasi Aankhon Mein Muhabbat Leke 
Ladakhada Jaane Ki Ijaazat Leke 
Mujhase Bevajah Shikaayat Leke 
Dil Ki Dahaleez Tak Aaya Hai Koi 
Kaun Aya Hai, Mujhe Kya Maaloom 
Aaj Ki Kaali Ghata ... 

Kuch Maza Aane Laga Jeene Mein 
Jaag Utha Dard Koi Seene Mein 
Mere Ehasaas Ke Aaine Mein 
Ik Saaya Nazar Aata Hai Koi 
Kisaka Saaya Hai, Mujhe Kya Maaloom 
Aaj Ki Kaali Ghata ... 

Zindagi Pahale Na Thi Itani Haseen 
Aur Agar Thi To Mujhe Yaad Nahi 
Yahi Afasaana Na Ban Jaaye Kaheen 
Kuch Nigaahon Se Sunaata Hai Koi 
Kya Sunaata Hai, Mujhe Kya Maaloom 
Aaj Ki Kaali Ghata ...