Agar Main Poochhoon Jawaab Doge
Dil Kyon Mera Tadap Rahaa Hai
Tere Hi Dil Mein Hai Pyaar Kuchh Kuchh
Mere Bhi Dil Mein Zaraa Zaraa Hai

Buraa Na Maano, To Apane Haathon
Ye Bikhari Zulfein, Sanvaar Doon Main
Hasin Palakon Ki Chhaanv Mein Ab
Ye Saaraa Jeevan Guzaar Doon Main
Ye Dil Ki Baatein Koi Na Sun Le
Sanam Zamaanaa Badaa Buraa Hai
Aagar Main.. 

Nazar Bachaa Ke, Agar Main Jaaoon
To Meraa Daaman, Naa Thaam Lenaa
Koi Jo Poochhe Ye Kyaa Havaa Hai
Kabhi Bhi Meraa Naa Naam Lenaa
Lagaa Ke Dil Se Rakhenge Ham To
Ye Dard Teraa Diyaa Huaa Hai
Agar Main...

Ye Thandi Thandi, Machalati Laharein
Hamaare Dil Ko, Jalaa Na Jaaen
Uthe Hai Tuufaan Dil-O-Nazar Mein
Kise Bachaaen Kise Sanbhaalein
Na Chain Tumako Naa Hosh Hamako
Ye Kyaa Huaa Hai Ye Kyaa Huaa Hai

Aagar Main Poochhoon Jawaab Doge
Dil Kyon Mera Tadap Rahaa Hai
Tere Hi Dil Mein Hai Pyaar Kuchh Kuchh
Mere Bhi Dil Mein Zaraa Zaraa Hai