badala to aise badala hai kuchh rang-e-gulasitaan
ik phuul pe bahaar hai ik phuul pe kizaan

zindagi bhar gam judaayi ka mujhe tadapaayega
har naya mausam puraani yaad lekar aayega
zindagi bhar gam

hain vahi raahein vahi galiyaan magar sunasaan hain
tuu nahin to dil ki saari bastiyaan viraan hain
dil mein hai jo gam tera vo jaan lekar jaayega
zindagi bhar gam

hon mubaarak tujhako kushiyaan aur mujhe rusavaayiyaan
tujhako tera ghar salaamat aur mujhe tanahaayiyaan
marate-marate bhi tera hi naam lab pe aayega
zindagi bhar gam