bastii-basti parvat-parvat gaata jaaye banjaara 
leke dil ka ikataara 
bastii-basti parvat-parvat ... 

pal do pal ka saath hamaara pal do pal ki yaari 
aaj nahi to kal karani hai ( chalane ki taiyaari )  -2 
bastii-basti parvat-parvat ... 

qadam-qadam par honi baithi apana jaal bichhaae 
is jiivan ki raah mein jaane ( kaun kahaan rah jaae )  -2 
bastii-basti parvat-parvat ... 

dhan-daulat ke piichhe kyon hai ye duniya diivaani 
yahaan ki daulat yahaan rahegi ( saath nahi ye jaani )  -2 
bastii-basti parvat-parvat ... 

sone-chaandi mein tulata ho jahaan dilon ka pyaar 
aansu bhi bekaar vahaan par ( aahen bhi bekaar )  -2 
bastii-basti parvat-parvat ... 

duniya ke baazaar mein aakir chaahat bhi vyaapaar bani 
tere dil se unake dil tak ( chaandi ki diivaar bani )  -2 
bastii-basti parvat-parvat ... 

ham jaison ke bhaag mein likha chaahat ka varadaan nahi 
jisane hamako janam diya vo ( patthar hai bhagavaan nahiin)  -2 
bastii-basti parvat-parvat ...