daaro re rang daaro re rasiya
phaagun ke din aaye re aaye re

rang kachhu aur nayo khilaadi
maari pichakaari bhigoyi saadi
rang gayi ang ang sajani
khilan ke din aaye re aaye re

dulahan ghuunghat me sharamaaye
rasiya nainan bich samaaye
kuuk kuuk kar koyal bole
yauvan ke din aaye re aaye re

saajan baithe tan man kho kar
chhalak raha hai ruup sarovar
pyaasi pyaasi ankhiyaan boli
luutan ke din aaye re aaye re