dekhana unaka kanakhiyon se idhar dekha kiye
apani aah-e-kam-asar ka ham-asar dekha kiye

jo ba-jaahir hamase sadiyon ki musaafat-bar rahe
ham unhein har gaam apana hamasafar dekha kiye

lamha lamha waqt ka sailaab chadhata hi gaya
rafta rafta duubata ham apana ghar dekha kiye

koyi kya jaane ke kaise ham bhari barasaat mein
nazar-e-aatish apane hi dil ka nagar dekha kiye

sun ke wo ' shahazaad'  ke asha_aar sar dhunata raha
thaam kar ham donon haathon se jigar dekha kiye