dil kahe ruk ja re ruk jaa, yahin pe kahin
jo baat - 2 is jagah mein, hai kahin pe nahin

parbat upar khidaki khuule, jhaanke sundar bhor
chale pavan suhaani
nadiyon ke ye raag rasile, jharanon ka ye shor
bahe jhar jhar paani
mad bharaa, mad bhara samaa, ban dhulaa-dhula
har kali sukh pali yahaan, ras ghulaa-ghula
to dil kahe ruk ja he ruk ja

uunche-uunche ped ghanere, chhanati jinase dhuup
khadi baanh pasaare
nili nili jhil mein jhalake nil gagan ka ruup
bahe rang ke dhaare
daali-daali chidiyon ki sadaa, sur milaa-mila
champaai champaai fijaa, din khilaa-khila
to dil kahe ruk ja re ruk

pariyon ke ye jamaghata, jinake phuulon jaise gaal
sab shokh hatheli
inamein hai vo alhada jisaki hirani jaisi chaal
badi chhail-chhabili
manachali-manachali adaa, chhab javaan javaan
har ghadi chadha raha nashaa, sudh rahi kahaan
to dil kahe ruk ja re ruk ja