hamane dekha hai tumhein aisa gumaan hota hai
aankh milati hai to kyon dard javaan hota hai
hamane dekha hai

aisa lagata hai ki hamadam mera vaapas aaya
mere jivan pe muhabbat ka nasha sa chhaaya
dil mein chalane laga phir husn ka roshan saaya
hamane dekha hai

jaane kyon mera dil qadamon pe jhuk jaata hai
koyi bichhada huwa saathi mujhe yaad aata hai
ye milan pyaar bhara kisaliye tadapaata hai
hamane dekha hai

aaj sadiyon ki mulaakaat nikal aayi hai
jaise tuufaan se baaraat nikal aayi hai
dil mein rahati thi vo hi baat nikal aayi hai
hamane dekha hai