jab-jab apana mel hua to dil ye pukaara
janam-janam tak tuut sake na kabhi saath hamaara
jab-jab apana mel

tere gam ko gale laga ke ho apani kushiyaan main tujhape luta duun
gar thoda sa tuu muskara de ho to viraane mein kaliyaan khila duun
ho sharamaata hai kaliyon ko bhi ye bairi ruup tumhaara
jab-jab apana mel

chhed ke apane pyaar ka nagama ho tere dil mein taraane jaga duun
teri aankh ke aansuu le ke ho naye chaand-sitaare bana duun
ho nil gagan par dip jale hain zara dekho nazaara
jab-jab apana mel

laakh janam ke aramaanon ka ho koyi rangin fasaana bana duun
lekar aag tere gaalon ki ho gore-gore kanval main khila duun
ho dil kahata hai aaj milega nadiya se kinaara
jab-jab apana mel