ra : ( kismat ke likhe ko mita na sake 
ham unako apana bana na sake )  -2 
wo aa na sake ham ja na sake 
aur zakm-e-jigar bhi dikha na sake 
jo raaz chhupa hai seene mein 
usako bhi haay suna na sake 

kismat ke likhe ko mita na sake 
ham unako apana bana na sake 

su : ( ham qaid mein the majaboor huye 
nazdeek bhi reh kar door huye )  -2 
dil ke sheeshe choor huye 
ye baat kisi ko bata na sake 

ra : ( jab dard jigar mein hota hai 
su : ye 
dil chupake-chupake rota hai )  -2 
ra : aansu to bahe paani ban kar 
su : par dil ki aag bujha na sake 

ra : ( jo waar huye bharapoor huye 
su : jo daag pade naasoor huye )  -2 
ham bhoolane par majaboor huye  -2 
ra : ham yaad tumhaari bhula na sake 

kismat ke likhe ko mita na sake 
ham unako apana bana na sake