main kanganaa khanakaauun tum git likho
main paayal chhanakaauun tum git likho
main bindiyaa chamakaauun tum git likho
main kanganaa khanakaauun

kaali kaali lat bikharaa duun
aanchal ke baadal ko udaa duun
yauvan ki madiraa chhalakaa duun
ang ang ko main chhand banaa duun
main saj dhaj ke aauun tum git likho
main kanganaa khanakaauun

saanson mein aake bas jaauun
man ke soye bhaav jagaauun
kavitaa ban ke aise rijhaauun
amar kavi main tumako banaauun
main gajaraa mahakaauun tum git likho
main kanganaa khanakaauun