maa ko pukarkar pucha bachhe ne 
aaya kahaan se ho maa bolo to 
pada kahaan paaya gaya bolo to 
sunkar sawal yeh 
maa ke stanon se uphal pada doodh 
aur bah aaya aankhon se uttar 

mere laal 
tum to hamesha the 
mere man ki abhilaasha me 
mere tan ki paribhaasha me 
bachapan ke gudiyaaghar me 
kitni baar tujhe khelate-khelate toda 
todate-todate joda 
paakar khoya aur khokar paaya hai 
kahaan se bataau tu aaya hai 
pada tujhe maine kahaan paaya hai 
mere laal 

(mila tha man ko mere jab ik tan 
upja tha tu hi ik madhur chhand ban)- 2 
aye 
gaat-gaat ang ang mehka tha chhan chananan 
os bhari subah se 
suhaag ke sangeet se 
sab ki manuhaar se 
indradhanushi sapnon sa aaya hai 
kahaan se bataau tu aaya hai 
pada tujhe maine kahaan paaya hai 
mere laal 

tu haan tu hi to hai meri amar aasha 
subah ka sapna 
maan aur daadi ki sunahari khwahish 
prem ki parampara khwab ki khwahish 
aur prem ki asha se bani teri kaya hai 
kahaan se bataau tu aaya hai 
pada tujhe maine kahaan paaya hai 
mere laal