aaj nahi to kal bikharenge ye baadal 
o raat ke bhoole hue musaafir subah hui ghar chal 
ab ghar chal re 

jeevan ik sangraam hai jogi 
jeevan se kya darana 
bhavasaagar ke jaal bichhe hain 
bach-bach paar nikalana 
chinta chhod sakal 
tera jaayega bhaagy badal 
o raat ke bhoole hue musaafir, subah hui ghar chal 
ab ghar chal re 

jod le phir se tooti mamata 
baandh le prem ki dori 
zindagaani se door bhaagana 
hai man ki kamazori 
ye sab duhkh ke pal 
ik din jaayenge tal 
o raat ke bhoole hue musaafir, subah hui ghar chal 
ab ghar chal re