chaahe maar daalo raajaa, chaahe kaat daalo raajaa
ham to yaari karenge diladaari karenge

baalon mein gajaraa baandhenge aur pairon mein paayal
honthon par laali damakegi aur aankhon mein kaajal
chamakenge kaanon mein jhumake aur maathe par jhuumar
saare jalave saare nakhare saari adaayen lekar
tumhen rijhaane ki puuri taiyaari karenge

chaahe maar daalo raajaa, chaahe kaat daalo raajaa
ham to yaari karenge diladaari karenge

tum aaye kabhi hamaare gali to ham chhat par aa jaayenge
ishaare karenge ham tumako tumhen ham ghar mein bulaayenge
paan kabhi ham pesh karenge tumako raajaa jaani
aur kabhi maangenge tumase ham rumaal nishaani
pyaar mein jo hoti hain baaten saari karenge

chaahe maar daalo raajaa, chaahe kaat daalo raajaa
ham to yaari karenge diladaari karenge