jeejaaji jeejaaji hone vaale jeejaaji 
shaadi ke phere hain saat aur hamaari sharten saat 
tumko ho manzuur agar tabhi milega deedi ka haath 
jeejaaji jeejaaji ... 

pehali shart aapko bata den 
ki deedi khaana nahi pakaayegi 
are iski mujhe parvaah nahi 
hotel se khaana manga luunga 

dusari ye shart hai hamari 
ki nain kisi se nahi ladaaoge 
are deewana huun in naino ka 
in se main nain ladaauunga 
saali o saaleeji hone vaali saaleeji 
jeejaaji jeejaaji hone vaale jeejaaji 

teesari ye shart hai hamaari 
ki seedhe daftar se ghar aaoge 
oy ghar ke siva jaana kahan 
ghar mein hi daftar bana luunga 

aur chauthi shart hai hamaari 
ki deedi ko tum saari kamaai doge 
na rakhuunga main kuch apne liye 
sab kuch inhen main de duunga 
saali o saaleeji hone vaali saaleeji 
jeejaaji jeejaaji hone vaale jeejaaji 

aur paanchavi shart to suniye 
deedi jab bhi maike mein jaayegi 
to jaldi wapas nahi bulaaoge 
are ghar-vaali bin ghabaraaya dil 
to saaleeji tumko bula luunga 

chhathi shart to suniye 
deedi ki taareef mein hamesha 
nai kavita roz sunaaoge 
kavita meri na bhaayegi to 
tulsi ke dohe suna duunga 

saatveen ye shart hai hamaari 
ki deedi bachche nahi khilaayegi 
are deedi ko kashht na duunga kabhi 
bachcho ko kud hi sambhaaluunga 

meri bhi ek shart suniyeji 
are bas, bas, bas 
shaadi zara hone to do 
jo bhi kahogi main maanuunga 
beeviji beeviji hone vaali beeviji