Meri aankhon se koi neend liye jaata hai
Door se pyar ka paighaam diye jaata hai

Raatbhar jaagenge hum tumse chhup chhupke sanam
Aankh jhapke na kabhi chand taaron ki qasam
Dil mera aaj iqrar kiye jaata hai
Door se pyar ka paighaam diye jaata hai
Meri aankhon se koi neend liye jaata hai

Baat jo unse chali woh idhar aake ruki 
Naam jab unka liya ek khushboo si udi
Ek tasavvur hai jo madhosh kiye jaata hai
Door se pyar ka paighaam diye jaata hai
Meri aankhon se koi neend liye jaata hai

Posted By : Bharati Singh