thahar jaana 
sambhal to le dil diwaana zara thahar jaana  -2 
abhi na saamane aana zara thahar jaana 
sambhal to le 

main guzari umr ko vaapas zara pukaar to loon 
main apane aap ko thoda bahut sanwaar to loon 
libaas gam ka nigaahon se main utaar to loon 
samaan to ho le suhaana zara thahar jaana 
abhi na saamane aana zara thahar jaana 
sambhal to le 

kushi bhi itani achaanak main sah na paaoongi 
main apane aap mein bas aaj rah na paaoongi 
jo tum se kahana hai mujhako wo kah na paaoongi 
main yaad kar loon fasaana zara thahar jaana 
abhi na saamane aana zara thahar jaana 
sambhal to le dil diwaana zara thahar jaana 
sambhal to le